依家打機可以係好正面，點解一定要剩係講負面？
台灣發生咗嘅捷運斬人事件，相信大家都一定知道，事後指出兇手熱愛打機，鐘意打League of
Legends同神魔之塔，直指兇手因為打機打上腦先會做成今次事件。
筆者打拳王十幾年都無打算過要做到八神咁.......
犯人都要食飯，唔通食飯嘅都會犯罪？
其
實筆者都經常同一啲唔打機嘅朋友去討論「到底打機會唔會影響到一個人有任何傾向」，成日有人話我地「機友」打得太多暴力遊戲，犯罪遊戲就會產生暴力或犯罪
傾向。每次媒體報導都係話犯人鐘意做啲咩，就一定係因為佢鐘意做嘅嘢影響到佢；筆者想反問：你地啲媒體成日咁鐘意亂咁講，咁又係受咗啲咩影響？
其實咁耐以嚟都無科學根據解釋過遊戲會令人產生任何傾向，依家好多媒體都將好多罪行推落我地啲機友度，有啲Game想俾大家做啲現實世界無機會接觸到嘅
事，咁當中緊係會包括一啲唔做得嘅事，原意都係想比大家可以喺遊戲中發泄一下壓力。筆者唔否認真係有人有樣學樣，一樣米養百樣人，但個機會真係少之又少，
真係仲少過你打Diablo趺神裝嘅機率！
其實依啲偏見同錯誤觀念日日都有人解釋，但今次個情況真係「癩得就癩」，League of
Legends不論視覺上同玩法都睇唔出有幾暴力，隻Game係要你地合作打敗敵人，同少年漫畫必有嘅三大條件一樣！「熱血」，「友情」同「勝利」，成個遊戲咁正面！幾時會變到「犯人鐘意跑步，跑步令人產生暴力傾向……」「犯人鐘意養狗，養狗令人產生犯罪傾向……」？？？
「犯人鐘意玩神魔之塔…….？」Well…You know…
撰文：五月
沒有留言:
張貼留言